*വാസ്തുദോഷം* : *ചിലവിശ്വാസങ്ങൾ*
ചില ഭവനങ്ങളിൽ താമസിക്കുന്നവർ എല്ലായ്പ്പോഴും പരസ്പരം കലഹിക്കുന്നതായും ഈ വീട്ടിൽ ഒരിക്കലും മനസ്സമാധാനം കിട്ടാറില്ല എന്ന് പറയുന്നതും കേൾക്കാറില്ലേ?
ഇതിന്റെ കാരണമെന്താണെന്ന് ചോദിച്ചാൽ വീടിന്റെ വാസ്തുദോഷം എന്ന് ചുരുക്കിപ്പറയേണ്ടി വരും. വിട്ടുകാർ എത്ര തന്നെ പൊരുത്തപ്പെടാന് ശ്രമിച്ചിട്ടും കലഹങ്ങള് ഉണ്ടാകുന്നത് കുടുംബ ബന്ധങ്ങളില് വിള്ളലുണ്ടാകുന്നതിനും മനസ്സമാധാനം നഷ്ടപ്പെടുന്നതിനും കാരണമാകാറുമുണ്ട്. ഇതിന് ഒരു പരിധിവരെ വാസ്തു വിദ്യയിൽ പരിഹാരം പറഞ്ഞിട്ടുണ്ട്.
ഭവനങ്ങളിൽ പ്രധാന വാതിലില് നിന്നാല് കാണുന്ന വിധത്തിലാവരുത് അടുക്കള. അടുക്കളയുടെ വടക്ക് കിഴക്ക് ഭാഗത്ത് കണ്ണാടി, വാഷ്ബെയ്സിന്, സിങ്ക് എന്നിവ സ്ഥാപിക്കുന്നത് നന്നായിരിക്കും.
മുതിര്ന്ന ആളുകള്ക്ക് വീടിന്റെ തെക്ക് പടിഞ്ഞാറ് ഭാഗത്തുള്ള മുറി നല്കുന്നതാണ് ഉത്തമം. വടക്ക് അല്ലെങ്കില് കിഴക്ക് ദിക്കിനെ അഭിമുഖീകരിച്ചു വേണം പഠന സമയത്ത് കുട്ടികള് ഇരിക്കേണ്ടത്.
തെക്ക് പടിഞ്ഞാറ് ഭാഗത്തു നിന്ന് വടക്ക് കിഴക്ക് ഭാഗത്തേക്ക് വീടിന്റെ ഉയരം ക്രമമായി കുറഞ്ഞു വരണം. മതിലിന്റെ ഉയരവും തെക്ക് പടിഞ്ഞാറ് മൂലയില് ഉയര്ന്നിരിക്കണം. വീട് നിര്മ്മിക്കാനുള്ള ഭൂമിയുടെ മധ്യഭാഗത്ത് ഒരിക്കലും കിണര് കുഴിക്കരുത്.
തെക്കു പടിഞ്ഞാറായി വീട് പണിതാല് കലഹം വര്ദ്ധിക്കുമെന്നാണ് കണക്കുകള് പറയുന്നത്.
തെക്കു കിഴക്കു വരുന്ന രീതിയില് വീടുപണിതാല് ഭയമായിരിക്കും ഫലം. ഈ വസ്തുതകള് മനസിലാക്കി വേണം വീട് നിര്മിക്കാന്. ചെറിയ കാര്യങ്ങള് പോലും നിസാരമായി തള്ളിക്കളയരുത്.
വീടിന്റെ മുറികളുടെ കാര്യത്തിലും അതീവ ശ്രദ്ധവേണം.
വീടിന്റെ പ്രധാന വാതില് മറ്റൊരു വീടിന്റെ പ്രധാന വാതിലിനു നേര്ക്കല്ല തുറക്കുന്നത് എന്ന് ഉറപ്പുവരുത്തണം. പ്രധാനവാതിലില് നിഴല് വീഴാത്ത വിധമായിരിക്കണം വീടിന്റെ നിര്മ്മാണം.
താഴത്തെ നിലയിലുള്ള വാതിലുകളുടെയും ജനാലകളുടെയും എണ്ണം മുകളിലത്തെ നിലയിലുള്ളവയുടെ എണ്ണത്തെക്കാള് കൂടിയിരിക്കണം.
വീടിന്റെ വടക്കു കിഴക്ക് മൂല എപ്പോഴും വൃത്തിയായി സൂക്ഷിക്കാന് മറക്കരുത്. വീടിനു മുന്നില് പാഴ്വസ്തുക്കള് കൂട്ടിയിടരുത്. ഉപയോഗ യോഗ്യമല്ലാത്ത വസ്തുക്കള് വീടിനുള്ളില് സൂക്ഷിക്കരുത്. ബീമിനു താഴെ കിടക്ക സ്ഥാപിക്കരുത്.
ടോയ്ലറ്റ്, അടുക്കള, പൂജാമുറി എന്നിവ ഒരിക്കലും അടുത്തടുത്തായി നിര്മ്മിക്കരുത്. സ്റ്റെയര്കെയ്സിനു താഴെ പൂജാമുറിയും ടോയ്ലറ്റും നിര്മ്മിക്കരുത്.
വീടുകളിലെ താമസം ശാന്തവും
സന്തോഷ പ്രദവുമാകുന്നതിന് ഈ പറഞ്ഞ രീതിയിൽ വാസ്തു ദോഷ പരിഹാരം ചെയ്യുന്നത് ഗുണകരമായിരിക്കും'
കടപ്പാട് '
⬛◼️▪️®️▪️◼️⬛
No comments:
Post a Comment