*വ്യാഴത്തിൻറെ രാശി മാറ്റ ഫലം*
🎀🎀🎀🎀🎀🎀🎀
*ഈ വരുന്ന 2020 നവംബർ മാസം 20 ന് (കൊല്ലവർഷം 1196 വൃശ്ചികം 5ന് ) വെള്ളിയാഴ്ച , ഉച്ചയ്ക്ക് 1.20ന് വ്യാഴം ധനു രാശിയിൽ നിന്നും തൻ്റെ നീചരാശിയായ മകരത്തിലേക്ക് രാശി മാറുന്നു.*
*വ്യാഴം ഒരു വർഷമാണ് ഒരു രാശിയിൽ നിൽക്കുന്നത് . അതായത് നവംബർ 20 മുതൽ അടുത്ത ഒരു വർഷക്കാലം വ്യാഴം മകരം രാശിയിലായിരിക്കും*
*കുറച്ചുകൂടി കൃത്യമായി പറഞ്ഞാൽ 2021 നവംബർ 20 ന് രാത്രി 11.27 വരെയാണ് വ്യാഴം മകരം രാശിയിൽ നിൽക്കുക ഇടയ്ക്ക് 2021 ഏപ്രിൽ 6 ന് കാലത്ത് 12.21 ന് കുംഭ രാശിയിൽ അതിവേഗ വക്രത്തിൽ കടന്ന് 202 l സെപ്തംമ്പർ 14 ന് തിരികെ മകരത്തിലെത്തും*
*വ്യാഴത്തിൻറെ ഈ രാശിമാറ്റം വിവിധ നക്ഷത്രക്കാർക്ക് എന്തൊക്കെ ഗുണങ്ങളും, എന്തൊക്കെ ദോഷങ്ങളുമാണ് ഉണ്ടാക്കുക എന്ന് നമുക്ക് നോക്കാം.*
*ഇതിൽ ഏറ്റവും കൂടുതൽ ദോഷം മിഥുനക്കൂറുകാരായ മകീര്യം 3, 4 പാദങ്ങളിലും, തിരുവാതിര , പുണർതം ഒന്ന് ,രണ്ട്, മൂന്ന് ,പാദങ്ങളിലും ദോഷഫലങ്ങൾ കൂടും*
*മകരക്കൂറിൽ ഉൾപ്പെടുന്ന ഉത്രാടം 2,3,4 പാദങ്ങൾ , തിരുവോണം , അവിട്ടം ഒന്ന് രണ്ട് പാദക്കാർക്കും ഫലം നല്ലതല്ല*
*കുംഭക്കൂറിൽ ജനിച്ച അവിട്ടം മൂന്ന് ,നാല് പദങ്ങൾ , ചതയം, പൂരുരുട്ടാതി 1,2,3 പാദങ്ങളിൽ ജനിച്ച നക്ഷത്രക്കാർക്കുമാണ് കൂടുതൽ ദോഷം*
*കാരണം ഇവർക്കൊക്കെ വ്യാഴം അനിഷ്ട സ്ഥാനത്ത് വന്നതിനു പുറമേ നിലവിൽ ശനിയും ദു:സ്ഥാനത്താണ് അതായത് ഇടിവെട്ടേറ്റവൻ്റെ തലയിൽ പാമ്പ് കടിച്ച അവസ്ഥ*
*അതേസമയം ഇടവക്കൂറുകാർക്കു൦, ധനുക്കൂറുകാർക്കും ആശ്വസിക്കാം.*
*മേടം*
(അശ്വതി, ഭരണി, കാർത്തികയുടെ ആദ്യത്തെ 15 നാഴിക)
വ്യാഴം പത്താം ഭാവത്തിലേക്കാണ് വരുന്നത്. ചാരവശാൽ മേടക്കൂറ്കാർക്ക് വ്യാഴം പത്തിൽ വരുന്നത് കർമ്മ മേഖലയ്ക്ക് വലിയ ഗുണം ചെയ്യില്ല .ഇതിന് പ്രധാനപ്പെട്ട കാരണം ഭാഗ്യാധിപൻ കൂടിയായ വ്യാഴം പത്താം ഭാവത്തിൽ നീചനായി വരുന്നു എന്നതുകൊണ്ടു
തന്നെ. മാത്രമല്ല നിലവിൽ കണ്ടകശ്ശനി കൂടിയുണ്ട് .അതുകൊണ്ടുതന്നെ തൊഴിൽ രംഗത്ത് വലിയ പുഷ്ടി കാണുകയില്ല. പ്രവർത്തികൾ വേണ്ടത്ര ഫലം കാണുകയില്ല .
നിലവിലുള്ള ജോലിയിൽ തന്നെ തുടരുക .
*എടവം*
(കാർത്തികയുടെ ഒടുവിലത്തെ 45 നാഴിക, രോഹിണി, മകീര്യം ആദ്യപകുതി)
വ്യാഴത്തിൻറെ ഈ രാശി മാറ്റം ഇടവക്കൂറുകാർക്ക് ആശ്വാസമാണ് .കാരണം അഷ്ടമത്തിൽ ആയിരുന്ന വ്യാഴം ഇപ്പോൾ ഭാഗ്യസ്ഥാനത്ത് വരാനിരിക്കുന്നു. അത് തൻറെ നീചരാശിയാണെങ്കിൽ കൂടിയും സ്ഥാനബലമുണ്ട് ധനലാഭം, സാമ്പത്തിക ലാഭം ദാമ്പത്യസുഖം, പുത്രലാഭം , കാര്യസാധ്യം , കർമ്മ പുരോഗതി എന്നിവയൊക്കെ പ്രതീക്ഷിക്കാവുന്നതാണ്
*മിഥുനം*
(മകീര്യത്തിന്റെ ഒടുവിലത്തെ പകുതി, തിരുവാതിര, പുണർതത്തിന്റെ ആദ്യത്തെ 45 നാഴിക)
നിലവിൽ അഷ്ടമശ്ശനി കൊണ്ടുള്ള ദുരിതങ്ങൾ അനുഭവിക്കുന്നതിനിടയിലാണ് വ്യാഴം കൂടി അഷ്ടമത്തിലേക്ക് വരുന്നത് .ഈ ഒരു വർഷം ഏറെ പ്രയാസങ്ങൾ നിറഞ്ഞതായിരിക്കും .പ്രത്യേകിച്ച് തൊഴിൽ നഷ്ടപ്പെടാം. അതേസമയം മറ്റൊരു ഒരു ജോലി കിട്ടുകയുമില്ല . തൊഴിൽ സ്വയം വിടാതിരിക്കുക .ധനനഷ്ടം , ആരോഗ്യ സംബന്ധമായ പ്രശ്നങ്ങൾ തുടങ്ങിയ ദുരിതങ്ങളും ഉണ്ടാകും . മിഥുനക്കൂറുകാർക്ക് ഏഴാം ഭാവാധിപനായ വ്യാഴം ചാരവശാൽ അഷ്ടമത്തിൽ വരുന്നത് വിവാഹ തടസ്സം ഉണ്ടാകും .മാത്രമല്ല ദമ്പതിമാർക്കിടയിൽ കലഹങ്ങൾ ഉടലെടുക്കും .ബിസിനസ് മേഖലയിൽ സ്തംഭനാവസ്ഥയായിരിക്കും ഭാര്യക്കോ ഭർത്താവിനോ രോഗദുരിതങ്ങൾ ഉണ്ടായേക്കാം .
*കർക്കടകം*
(പുണർതത്തിന്റെ ഒടുവിലത്തെ 15 നാഴിക, പൂയ്യം, ആയില്യം)
നിലവിൽ കണ്ടകശ്ശനി നടക്കുന്ന സമയമാണ് . കഴിഞ്ഞ ഒരു വർഷമായി വ്യാഴം ആറിൽ ആയിരുന്നുവെങ്കിൽ ഈ രാശി മാറ്റം അല്പം ആശ്വാസം ആയിരിക്കും .കാരണം വ്യാഴം ആറിൽ നിന്ന് ഏഴിലേക്ക് മാറി . ഇത് പ്രധാനമായും ഗുണം ചെയ്യുന്നത് ആരോഗ്യപ്രശ്നങ്ങൾ ഉള്ളവർക്കാണ് . പ്രത്യേകിച്ച് രോഗശാന്തി ലഭിക്കും . ചികിത്സകൾ ഫലം കാണും . ഏഴര ശ്ശനി ദോഷം കൊണ്ടുള്ള ദുരിതങ്ങൾക്ക് വ്യാഴത്തിൻറെ അനുകൂലസ്ഥിതി ഗുണകരമായിരിക്കും .പൊതുവെ ബുദ്ധിസാമർത്ഥ്യം വർദ്ധിക്കും വാക്സാമർത്ഥ്യം , ക്രയവിക്രയ ലാഭം ,തൊഴിൽ ഗുണം ,ധനലാഭം എന്നിവ പ്രതീക്ഷിക്കാം വിവാഹം നോക്കുന്നവർക്ക് വിവാഹം നടക്കും . സാമ്പത്തിക ലാഭവും ദാമ്പത്യസുഖവും പ്രതീക്ഷിക്കാവുന്നതാണ്
*ചിങ്ങം*
(മകം, പൂരം, ഉത്രത്തിന്റെ ആദ്യത്തെ 15 നാഴിക)
വ്യാഴം ആറിലേക്ക് വന്ന സമയമാണ് .
പൊതുവേ സുഖാനുഭവങ്ങൾ ഉണ്ടെങ്കിലും അവസാനം ദുഃഖവും ഉണ്ടാവും . ആരോഗ്യം ശ്രദ്ധിക്കുക .തൊഴിൽരംഗത്ത് സമ്മിശ്രമായ ഫലം ആയിരിക്കും .നിലവിൽ ജോലി ഉള്ളവ൪ പെട്ടെന്ന് എടുത്തുചാടി ഉപേക്ഷിക്കാൻ നിൽക്കരുത് .
*കന്നി*
(ഉത്രത്തിന്റെ ഒടുവിലത്തെ 45 നാഴിക. അത്തം ചിത്രയുടെ പകുതി)
ചാരവശാൽ നല്ല സമയമാണ് .വ്യാഴം അഞ്ചിലേക്ക് വരാനിരിക്കുന്നു . വാഹനലാഭം , സന്താനലാഭം , മക്കളെ കൊണ്ട് മന:സന്തോഷം , കാര്യലാഭം , തൊഴിൽ പുരോഗതി , ഈശ്വരഭക്തി , ധനലാഭം, ബുദ്ധി വർദ്ധനവ് തുടങ്ങിയ എല്ലാ ഗുണങ്ങളും ഉണ്ടാവും .
*തുലാം*
(ചിത്രയുടെ ഒടുവിലത്തെ പകുതി, ചോതി, വിശാഖത്തിന്റെ ആദ്യത്തെ 15 നാഴിക)
നിലവിൽ കണ്ടകശ്ശനി നടക്കുന്ന സമയമാണ് . വ്യാഴം അനുകൂല ഭാവത്തിലേക്ക് വരുന്നത് കണ്ടകശ്ശനിയുടെ ദോഷത്തെ കുറയ്ക്കും . പൊതുവേ നല്ല സമയമാണ് .പ്രത്യേകിച്ച് ദോഷങ്ങൾ ഒന്നും പറയാനില്ല .അതേസമയം ഗുണാനുഭവങ്ങൾ ഉണ്ടാവുകയും ചെയ്യും
*വൃശ്ചികം*
(വിശാഖത്തിന്റെ ഒടുവിലത്തെ 15 നാഴിക, അനിഴം, തൃക്കേട്ട)
വ്യാഴം ചാരവശാൽ മൂന്നിലേക്ക് വരുന്നത് ശുഭകരമല്ല .എന്നാൽ വലിയ ദോഷവും ഉണ്ടാവില്ല .കാര്യങ്ങൾ നടക്കാൻ വൈകും . അടുത്ത ബന്ധുക്കളുടെ ആരുടെയെങ്കിലും മരണം സംഭവിച്ചേക്കാം .'മൂന്നിലെ വ്യാഴം മുറവിളി കൂട്ടും' എന്നാണ് ചൊല്ല് . ഏതൊരു കാര്യവും തൊട്ടു തൊട്ടില്ല എന്ന അവസ്ഥ വരെ എത്തി അത് കയ്യിൽ നിന്ന് പോകും . ഭാഗ്യപരീക്ഷണത്തിന് മുതിരരുത്.
*ധനു*
(മൂലം, പൂരാടം, ഉത്രാടത്തിന്റെ ആദ്യത്തെ 15 നാഴിക)
നിലവിൽ
ഏഴരശ്ശനിയാണെങ്കിൽ കൂടിയും ഏഴരശ്ശനിയുടെ അവസാനകാലമായതുകൊണ്ട് കാഠിന്യം കുറഞ്ഞ സമയമാണ് .കഴിഞ്ഞ രണ്ടു വർഷമായി വ്യാഴം പിഴച്ചകാലമായിരുന്നു .അതിന് ഒരു ആശ്വാസം ലഭിക്കുകയാണ് . കാരണം വ്യാഴം പന്ത്രണ്ടിലും ജന്മത്തിലും ആയിരുന്നത് ഇപ്പോൾ രണ്ടിലേക്ക് വന്നിരിക്കുന്നു .ധനലാഭം ശത്രുക്ഷയം, വിദ്യാഗുണം , വാക്ക് ഗുണം , കർമ്മഗുണം തുടങ്ങി എല്ലാ ഭാഗ്യ അനുഭവങ്ങളും ഉണ്ടാവും .
*മകരം*
(ഉത്രാടത്തിന്റെ ഒടുവിലത്തെ 45 നാഴിക, തിരുവോണം, അവിട്ടത്തിന്റെ ആദ്യത്തെ പകുതി)
ഏഴരശനികാലത്തെ കാഠിന്യമായ സമയം -ജന്മശനിയും, മാത്രമല്ല വ്യാഴം 12 ലായിരുന്നത് ഇപ്പോൾ ജന്മത്തിലേക്കുമായി . ഒരു വർഷം പൊതുവേ ദുരിതങ്ങളുടെ പെരുമഴയായിരിക്കും. സർവ്വത്രനാശം. പേരുദോഷം , കാര്യ പരാജയം , ധനനാശം , കടം പെരുകുക, വിദ്യക്ക് തടസ്സം , കുടുംബ ക്ലേശം , സ്വസ്ഥത കുറയുക , ബുദ്ധിഹീനമായി പ്രവർത്തിച്ച് പല അബദ്ധങ്ങളിലു൦ ചെന്നുചാടുക, ആരോഗ്യത്തിന് പ്രശ്നങ്ങൾ ,സാമ്പത്തിക ക്ലേശം , ഭാഗ്യഹാനി തുടങ്ങിയ എല്ലാ ദുരനുഭവങ്ങളും ഉണ്ടാകാം . ഇതിനെല്ലാം പുറമേ തൊഴിൽനഷ്ടം , സ്ഥാനചലനം ഇവയും ഉണ്ടാവും . വിദേശത്ത് ജോലി ഉള്ളവർ തൊഴിൽ നഷ്ടപ്പെട്ടു നാട്ടിലേക്ക് തിരിച്ചു വരേണ്ടി വരും . മത്സര പരീക്ഷകളിലും വിജയം കൈവരിക്കാൻ സാധിക്കില്ല.
*കുംഭം*
(അവിട്ടത്തിന്റെ ഒടുവിലത്തെ പകുതി, ചതയം, പൂരുട്ടാതിയുടെ ആദ്യത്തെ 45 നാഴിക)
ഏഴരശനി തുടങ്ങിയ സമയം പക്ഷേ വ്യാഴം അനുകൂലത്തിലായിരുന്നുവെങ്കിൽ ഇപ്പോൾ 12ലേക്ക് വന്നതോടെ വ്യാഴംപിഴച്ചകാലവും തുടങ്ങുകയായി . മകരക്കൂറുകാർക്കെന്നപോലെ സമാനമായ അനുഭവം തന്നെയായിരിക്കും . കാര്യ പരാജയം , ധനനാശം , കടം പെരുകുക, വിദ്യക്ക് തടസ്സം , കുടുംബ ക്ലേശം , സ്വസ്ഥത കുറയുക , ബുദ്ധിഹീനമായി പ്രവർത്തിച്ച് പല അബദ്ധങ്ങളിലു൦ ചെന്നുചാടുക, ആരോഗ്യത്തിന് പ്രശ്നങ്ങൾ ,സാമ്പത്തിക ക്ലേശം , ഭാഗ്യഹാനി തുടങ്ങിയ എല്ലാ ദുരനുഭവങ്ങളും ഉണ്ടാകാം . ഇതിനെല്ലാം പുറമേ തൊഴിൽനഷ്ടം , സ്ഥാനചലനം ഇവയും ഉണ്ടാവും . വിദേശത്ത് ജോലി ഉള്ളവർ തൊഴിൽ നഷ്ടപ്പെട്ടു നാട്ടിലേക്ക് തിരിച്ചു വരേണ്ടി വരും . മത്സര പരീക്ഷകളിലും വിജയം കൈവരിക്കാൻ സാധിക്കില്ല. എങ്കിലുo പരിശ്രമിച്ച് വിജയമുണ്ടാക്കാം'
*മീനം*
(പൂരുട്ടാതിയുടെ ഒടുവിലത്തെ 15 നാഴിക, ഉത്രട്ടാതി, രേവതി)
നല്ല സമയമാണ് . കാരണം വ്യാഴവും ശനിയുമെല്ലാം അനുകൂല ഭാവത്തിലാണ് . ഉദ്ദേശിച്ച എല്ലാ കാര്യങ്ങളും സാധിക്കും . ധനലാഭം , സാമ്പത്തികഭദ്രത , തൊഴിൽലാഭം , കുടുംബസുഖം, മന:സുഖം, സന്താനലാഭം , ദാമ്പത്യ ഐക്യം , വിവാഹം , പുതിയ വീട് , വാഹനങ്ങൾ തുടങ്ങി എല്ലാം കൊണ്ടും നല്ല സമയമാണ്
🎀🎀🎀🎀🎀🎀🎀
*ദൈവജ്ഞൻ:*
*കല്ലുവളപ്പിൽ സൂരജ്*
__________________
*Note:*
-------------------
*ഇത് പൊതുഫലമാണ് ഓരോരുത്തരുടേയും ജാതകപ്രകാരമുള്ള ഇപ്പോഴത്തെ ദശാപഹാരങ്ങളുടെ അനുകൂല-*
*പ്രതികൂലാവസ്ഥ, അവരവരുടെ ജാതകത്തിൽ വ്യാഴത്തിനുള്ള ബലം, മകരത്തിൽ വ്യാഴത്തിന് ലഭിച്ചിട്ടുള്ള അക്ഷസംഖ്യ എന്നിവയനുസരിച്ചായിരിക്കും*
*അനുഭവം വ്യാഴപ്രീതിക്കായി ഗുരുപൂജ വിഷ്ണു പൂജ ഇവ മാസത്തിൽ നടത്തി ദോഷങ്ങൾ കുറയ്ക്കാം*
